Ely Dumaboc
 |
| Ball Mill |
DAVAO ORIENTAL – Gibutyag ni OIC-ENRO Dante Ganir atol sa espesyal nga tigum sa mga
sakop sa Provincial Mining Regulatory Board (PMRB) nga ang tanang bolmilan (rodmill
o drum mill) nga nag-operet sulod dinhi nga probinsya, tanan illegal
ug kinahanglang paundangon una ug iplastar.
Ang
espesyal nga tigum sa PMRB nga gipahigayon sa Lanes Kitaanan sa Mati City,
Oktobre 30, 2012 sa hapon, gitambongan nila Regional Director Edilberto Arreza
sa Mines and Geo-Sciences Bureau (MGB), mga sakop sa PMRB nga sila FABC ug
Ex-Officio Board Member Larry Taya, Fr. Elben Undag, Assistant Department Head
sa ENRO nga si SEMS Dolores Valdesco, ug sa mga tag-iya sa mga bolmilan.
Giklaro
ni Director Arreza nga ang mga bolmilan kinahanglang adto itukod sa lugar nga
madeklara nga Mineral Processing Zone (MPZ) ug bawal gayud ang pag-gamit ug
mercury sa pagdakop sa napino nga bulawan.
Iyang
gitambagan ang mga tag-iya sa bolmilan nga maghugpong nga bisan dili marehistro
sa SEC, Coop o kaha sa DOLE aron dili kaayo malangan ug aron dili kaayo
makagasto ug daku, mahimo nga adto na lamang sa Barangay magpahibalo sa Kapitan
aron ipa-ila ang ilang kahugpongan nga ang tumong mao ang paghangyo sa
pag-gahin ug luna aron madeklara nga Mineral Processing Zone.
Dugang
gipahibalo ni Arreza nga ang lugar nga himuon nga Mineral Processing Zone
himuan sa Barangay ug Resolution uban sa paghangyo sa PMRB aron pagsubay sa mao
nga luna kung angay ba nga ideklara nga MPZ. Kang masubay nga angayan ang
lugar nga hinuong MPZ, ang PMRB mohangyo na usab sa MGB aron subayon ang mao
nga lugar. Human nga makita sa MGB nga husto ang mao nga lugar nga
himuong MPZ, ang MGB magpahibalo ug manghanyo na sa Gobernador aron
pagdeklara sa lugar isip MPZ.
Kung
aduna nay MPZ, ang magtukod ug bolmilan mo-adto na sa buhatan sa ENRO
aron magparehistro sa ilang bolmilan.
Gidugang
pagsulti ni Arreza nga ang PMRB adunay regular nga tigum sa matag bulan.
Sa
Nobyembre 2012 nga tigum sa PMRB, hisgutan ang tukmang petsa sa pagpasirado sa
tanang bolmilan sulod sa probinsya sa Davao Oriental samtang andamon ang luna
uban sa paghikay sa mga pepeles.
Subli
nga gisulti ni Arreza nga bawal gayud ang pag-gamit sa mercury ug nisaad siya
nga manghatag ug papel nga gipatikan sa pamaagi kung unsaon pagdakop sa bulawan
nga dili mogamit ug mercury