Electronic Dalaw ug panginabuhian alang sa mga Inmates sa City Jail gibuksan kagahapong adlawa

Ni JONG CADION

PAGADIAN CITY - Dako ug pagpasalamat ang mga binilngo sa City Jail sa tawhanong pagtagad nga gihimo sa kasamtanang administration karon sa Bureau of Jail Management and Penology kun BJMP, kini ang kasayuran nga nga gipadangat sa mga binilango ngadto sa mga sakop sa media nga mihimo sa pagsakasi sa pagbukas sa E-dalaw ug panginabuhian sa mga bililango sama sa pagmasahe ug haircut sulod sa Jail compound.

Kagahapong adlawa pormal nga gibuksan ang Electronic Dalaw alang sa mga inmate sa city jail ning dakbayan sa Pagadian nga gitambongan ni Atty. Cimafranca sa Public Attorney’s Office (PAO), Regional Trial Cour Judge Discallar ug ni kanhi City Councilor Noli Garcia nga mi representar ni Mayor Samuel Co.

Matud pa ni City Jail Warden Jail Atty. Senior Inspector Mashur S. Sala nga kining E-Dalaw unang gilusad didto sa Quezon City Jail kaniadtong Octobre 2012, ug gisundan sa Manila City Jail sa pagka-Nobiyembre 2012 ug dinhi sa Pagadian City Jail maoy ika 3 sa tibook nasud ug pinaka una dinhi sa Zamboanga Peninsula ug sa kinatibok-an sa MIndanao ang gihimong pagbukas kagahapong adlawa nga diin ang mga binilango gihatagan ug kahigayunan nga makahigayon ug pagkontak sa ilang pamilya nga anaa sa layo nga dapit pinaagi sa Internet.

Gumikan niini, gipasalamatan ni city Jail Warder Sala si Mayor Samuel Co nga migahin ug 2 ka units nga Desktop Computer samtang ang Rehiyonal nga buhatan sa BJMP mihatag usab ug 3 ka unit sa computer alang sa maong proyekto.

Ang susama niini nga proyekto namugna pinaagi sa local nga pamaagi aron mahatagan ug kasulbaran ang kamingaw sa mga binilango sa ilang pamilya nga dili makadalaw gumikan sa kalayo sa ilang nahimutangan ug gumikan usab sa kalisud sa kahimtang.

Matud pa ni RTC Judge Descallar nga nindot ang maong programa nga gihimo sa mga tinguyanan sa BJMP, sa ingon niani nga pamaagi mawala ang kamingaw sa mga binilango samtang nagpaabot sa resulta sa ilang kaso nga gidungog sa korte.

Ang maong matang sa programa gikan sa tawo nga adunay malumo nga kasing-kasing nga mitubag sa tawhanong katungod sa mga binilango pinaagi sa pagwala sa mga kabalaka ug kamingaw ngadto sa ilang mga pamilya, kini usab ang pamahayag ni Atty. Cimafranca sa Public Attorney’s Office.

Matud pa ni J02 John Bantilan, gitugyanan nga maoy mohimo sa pagdumala sa E-dalaw nga kini buksan matag adlaw gikan sa alas 9:am ngadto sa 12:udto ug ala 1:pm paingon sa alas 3:pm, ang matag inmate gihatagan ug 20 minutos nga makontak ang ilang pamilya.  

Samtang giboksan usab ang barbershop ug massage clinic sa sulod compound sa City jail isip panginabuhian sa mga binilango samtang anaa sila sa nga nagpaabot sa pagdungog sa ilang mga kaso. Pinaagi sa training sa TESDA nakakat-on ang mga bililango sa mga pamaagi sa pagpanghilot ug kining kahibalo ilahang madala sa ilang paglaya isip panginabuhian.  

The Lady inmates with their dancing talent (Photo by JONG CADION

BJMP RD Atty. J/SSupt Michael E. Vidamo (Photo by JONG CADION)

RTC Judge Descallar "(Photo by JONG CADION)