Manhunt operation gilusad sa NBI ug sa PNP batok ni Pagadian City Mayor Samuel Co

 

Pagadian City Mayor Samuel S. Co (Photo by Jong Cadion)  

Ni Jong Cadion

Atty. Cabornay, Iligan City

 NBI District Chief (Photo

 provided by Leah Agonoy)

PAGADIAN CITY – Gilusad karon sa mga tinugyanan sa National Bureau of Investigation (NBI) ug sa mga ginsakpan sa Philippine National Police (PNP) ang usa ka manhunt operation batok ni Pagadian City Mayor Samuel Co human nga pakyas kining nadakpan  sa dihang gi-serve ang warrant of arrest ngadto kaniya sa paghilambigit niini sa kaso nga Syndicated Staffa sa Aman Future Investment.

Kagahapong adlawa Biernes pakyas ang mga tinugyanan sa NBI nga gipanguluhan ni Iligan City NBI District Office Chief Atty. Alex Cabornay sa pagdakop ni Mayor Co sa dihang wala kini makit-an aron e-serve and Warrant of Arrest batok kaniya didto sa ilang balay sa Barangay Tiguma ug sa iyang buhatan didto sa City Hall sa katarongan nga tua kini sa Manila on official travel.

"Akoang giawhag ang tanang nga mihimo sa paghatag sa kasayuran kabahin sa nahimutangan sa Mayor sa Pagadian, hangyo pa ni Atty. Cabornay. 
 

Si Vice Mayor Candidate Atty. Boyet Vera Cruz ang miatubang sa

tinugyanan sa NBI sa dihang gi-serve and warrant of arrest ni

Mayor Co didto sa balay sa Mayor sa Brgy. Tiguma. Kuyog usab

sa NBI ang mga sakop sa National Media. (Ni Jong Cadion)

Matud pa kaniadtong Abril 11 sa hapon samtang si Mayor Co anaa sa iyang meeting kauban ang mga barangay officials didto sa City Hall midali kini ug lakaw human nga gibalitaan kabahin sa gipakanaug ni RTC Judge Albert Quinto sa Iligan City ang usa ka Warrant of Arrest batok kaniya.

 

Mga tinugyanan sa NBI nga mihimo sa pagpangita ni

Mayor Co sa ilang balay sa Tiguma (Ni Jong Cadion)

Matud pa ni City Councilor Atty. Baldomero Fernandez nga maoy kasamtangang designated officer in charge sa buhatan sa Mayor nga tua si Mayor Co sa Manila alang sa usa ka official travel samtang gihikay na usab sa mga legal counsel ni Mayor Co ang pagkuha sa Temporary Restraining Order (TRO) didto sa Court of Appeals sa Cagayan de Oro City ug pagsubmitar sa Motion for Reconsideration with Prayer nga ma-review sa korte ang maong kaso.

Kagahapon gipamutangan na sa mga tinugyanan sa Bureau of Immigration ug mga paskin ang tanang mga departure area sa nasud aron mapugngan ang paggawas ni Mayor Co.

Gisiguro usab ni DOJ Sec. Laila De Lima nga dili makagawas si Mayor co sa nasud human nga pakayas kining nadakpan sa mga tinguyanan sa NBI. Kahinumduman nga gipasakaan sa DOJ prosecution Panel ang Mayor sa Pagadian human kini gitumbok nga nahilambigit sa Aman Investment Scam.  

Samtang usa ka Lihok Protesta batok sa inhustisya alang kang Mayor Co ang gipahigayon sugod kagahapong adlawa didto sa City hall complex nga gipasiugdahan sa mga nagkalain-laing organisasyon sama sa mga kabatan-unan, religious organizations, Non-government organization, loczal government employees ug uban pang mga supporters ni Mayor Co sa usa nila nga singgit ug awhag nila ngadto sa DOJ “Hustisya alang ni Mayor Sammy Co.”

Lihok Protesta alang sa ilang supporta ni Mayor Co

Si Mayor Co anaa na sa iyang katapusang termino pagka Mayor sa dakbayan sa Pagadian ug midagan karon pagka congressman sa primerong distrito sa lalawigan sa Zamboanga del Sur ubos sa administration Team P-Noy Liberal Party.