Sunod-sunod nga patay sa Pagadian ug sa Zamboaga del Sur ug uban pang panghitabo nagpadayon

Ni JONG CADION

Nagbuy-od ang patayng lawas sa security escort ni Tyron Singco didto sa national highway sa Purok Tinangkong, Barangay Balintawak dinhi sa dakbayan sa Pagadian sa Zamboanga del Sur human nga gipusil ug naigo sa 3 ka bala gamit ang kalibre 45 nga pistol sa wala mailhing suspetsado nga riding in tandem.

 

Ang Patayng lawas ni Tata Escario anaa sa tunga sa dalan

Police Supt. Julius Muñez

Matud pa ni Police Supt. Julius Muñez ang hepe sa Pagadian City Police nga sa mga alas 8:00 sa buntag kaniadtong Domingo, Abril 28, 2013 pauli na unta ang biktima nga si Nelson “Tata” Escario Pacho ngadto sa ilang panimalay sa Bgry. Sta. Lucia sakay sa iyang motorsiklo sa dihang gusundan kini gikan sa Dumalinao, Zamboanga del Sur ug sa paghidangat sa maong dapit gipusil kini sa iyang likod ug sa dihang natumba ang biktima gikanaugan pa kini sa suspetsado ug giusban sa pagpusil sa makaduha ug misibat dayon  sa wala mahibal-ing dapit.

Patayng lawas ni Tata Escario (Hulagway ni Ely Dumaboc)

Patayng lawas ni Tata Escario (Hulagway ni Ely Dumaboc)

Si Tata Escario maoy closed in security escort ni Tyron Singco ang kanhing empleyado sa sa Kapitolyo nga usa sa 6 nga mipasaka ug kasong “Plunder” batok ni Zamboanga del Sur Gobernor Antonio Cerilles ug sa asawa niinin nga si 2^nd District Congresswoman Aurora “Auring” Cerilles sa pagwaldas sa salapi nga mokagbat ngadto sa P800 milyones ka pesos nga gikan sa kaban sa lalawigan.

Tyron Singco

Sa gihimong press conference gibutyag ni Tyron Singco nga gumikan sa ilang gipasaka nga kasong PLUNDER didto sa ombudsman batok sa magtiayong Gobernador ug congresswoman nakabaton na sila sa sunod-sunod nga mga pagpanghulga sa ilang kinabuhi nga posibleng maoy hinungdan sa pagpatay sa iyang security escort.

Samtang gihimoan na karon sa makuting imbistigasyon sa mga kapulisan ang maong krimen aron matumbok kung unsay motibo ug kinsay nagpaloyo nagpaloyo sa maong krimen lakip na usab ang paglantaw kung adunay motibong politika ang maong pagpatay ni Tata Escario.

Sa laing bahin, Kaniadtong miaging adlaw usa ka pagpusil usab ang nahitabo didto national highway sa Barangay Bulanit sa lungsod sa Labangan, Zamboanga del Sur.

Ang biktima nga si Mantang Balimbingan Dunato ang gisundan usab ug gipusil samtang sakay sa iyang motor paingun sa lungsod sa Labangan aron sa pagbisita sa iyang garden. 

P/Inspector Nedzfar Mohamad Hasan sa Pag-interview sa media

(Hulagway ni Jong Cadion)

Matud pa sa hepe sa Labangan Municipal Police Station P/Inspector Nedzfar Mohamad Hasan nga nakabangun pa ug nakadagan ang biktima human siya naigo sa bala sa iyang kilid ug natumba apan nakabangon pa kini ug nakadagan. 

Sa iyang huna-huna nga nagpalayo na ang suspetsado hinungdan nga migawas kini sa iyang gitagoan ug mibalik didto sa gitumbahan sa iyang motor apan sa wala damha atua pa diay nag-atang ang suspetsado sa highway nagpaabot kaniya hinungdan nga gupusil kini pag-sab sa makatulo nga miresulta sa iyang hinanaling kamatayon. 

Ang biktima adunay bayaw nga midagan pagka SB member sa lungsod sa Labangan ubos sa opposition party nga gisusi usab kini karon nga angulo kung adunay election related incident ang maong pagpusil. 

Samtang nakahimo ug dakong kabalaka sa mga katawhan ang nahitabong paglabay sa granada didto sa panimalay ni 1st District Board Member Candidate Eddie Relacion sa Barangay Lower Pulacan, Labangan kaniadtong Abril 27, 2013 sa mga alas 7:00 ang takna sa gabii. Salamat kay ang maong granada wala kini nakabot.

Matud pa usab ni Inspector Hasan nga kusganong gipamahayag ni 1^st district Candidate Relacion nga walay labot sa politika ang nahitabong paglabay sa granada sa ilang balay ug usa lamang kini ka personal nga panagbange. 

Sa gihimong imbistigasyon sa kapulisan, ang maong Granada nakit-an sa gawas sa balay sa maong kandidato nga matud pa gilabay sa duha ka wala mailhing suspetsado nga sakay sa motorsiklo. 

Kalambigitan niining mga panghitabo, matud pa ni Henry Dogon ang tigpamaba sa partidong Nationalist Peoples' Coalition (NPC) atol sa ilang matag buntag nga programa sa Radyo, iyang kusganong gipanghimakak ang mga pamasangil gikan sa Partidong Liberal nga sila ang responsable sa maong mga hitabo. Hinoon gisumbalik kini ngadto kanila nga sila ra ang mihimo sa maong krimen ug ilaha lamang gipasangil nganha kanila.