Upat ka mga batang natabuanan sa Landslide nakit-an na human sa 5 ka adlaw nga pagkalot

By Jong Cadion

PAGADIAN CITY - Nakit-an ra sa mga rescuers kaniadtong miaging adlaw June 2, 2013 sa mga alas 4:15 ang takna sa Hapon ang 4 ka mga batang mgsoon sukad kini sila natabunan sa nahitabong landslide kaniadtong Mayo 28, 2013 didto sa Purok 4, Brgy. Sayao sa lungsod sa Kabasalan, Zamboanga Sibugay.

Matud pa ni Mayor George Chiong Caainglet pinaagi sa Mobile phone interview, nga likungtad ngadto sa 5 ka adlaw ang gihimong Search and Retrieval Operations og gikumermar nga ang 4 ka mga biktima nga nakalutan mao ang mga batang natabunan sa landslide nga silang Fatima Maghanoy Y Orong 12 anyos ug Eugen Maghanoy Y Orong 9 anyos  nga polos mga anak nilang Santiago Maghanaoy Y Orong 44 anyoss ug Merlinda Maghanoy Y Brigana 40 anayos ug sila si Sherlyn Mae Maghanoy Y Lugatiman 7 anyos ug Eziquel Meziah Maghanoy Y Lugatijman 3 anyos nga polos mga anak nilang Joenifer Maghanoy Y Lugatiman ug Agneslyn Maghanoy Y Mendoza.

Ang mga rescuers nga mihimo sa 5 ka adlaw nga Search and retrieval operations ang  gipanguluhan sa Lokal Government Units sa Kabasalan ug sa mga lumulopyo sa Barangay Sayao ug Bgry Buayan, kauban ang mga tinguyanan sa 44^th Infantry Battalion.

Kahinumduman nga kaniadtong Mayo 28, sa mga alas 10:30 sa gabii sa dihang nahitabo ang kusog nga pag-ulan  ang 4 ka mga batang mag-agaw mihimo sa pagpasilong sa usa ka abandonadong balay sa maong dapit sa dihang kalit lamang midahonog ang makusog nga pagdahili sa yuta nga sagol tubig ug lapok inubanan sa mga punoan sa kawayan ug mga lubi ang mitabon kanila.