Patayng Lawas ni DILG Sec. Robredo nakit-an na-Roxas

(File Photo) DILG Sec. Jesse Robredo was
 the guest of  honor during the 53^rd Araw 
nga Lanao del Sur in Marawi City last July 
4, 2012 (Jong Cadion)

Human sa 48 ka oras, nakit-an na ang patayng lawas ni Department of Interior and Local Government (DILG) Sec. Jesse Robredo gikan sa gihagsakan niini sa Twin-Engine Piper Seneca Plane  didto sa kadagatan sa Masbate.

Kini ang gikumperma ni Transportation Sec. Mar Roxas human ang gipahigayong diving operation kaganihang buntag, August 21, 2012 sa mga Technical Divers nga gilangkuban sa duha ka mga British national.

Gisakay sa barko sa Phil. Coast Guard ang 
nakit-an nga patayng lawas ni DILG Sec. 
Jesse Sa mga rescue team lakip ang 2 ka 
mga piloto

Matud pa ni Sec. Roxas nga sa mga alas-7:45 ang takna sa buntag nakaplagan sa mga divers ang fuselage sa maong abyon sa ilalum sa dagat nga may gilaymon nga 180 feet ug adunay gilay-ong 800 ka metros gikan sa baybayon.

Sa dihang ilaha kining gidool nakit-an nga atua sa solud ang 3 ka mga patayng lawas nga naka-seatbelt pa kini.

Rescue team nga nakakita sa patayng lawas

ni DILG Sec. Robredo sa ileum sa dagat ang

gipanguluhan sa 2 ka British Divers.

Matud pa sa usa ka driver nga naila gilauyon niya ang nawong ni Robredo ug ang gisul-ob nga sapot miimi.

Ang sapot nga adunay logo sa DILG ug nakasoot pa gihapon ang wristwatch niini sa iyng bukton nga nag-andar pa.

Sa mga alas-8:15 na sa buntag gikumperma ang patayng lawas sa maong kalihim sa DILG.

Parti sa eroplano nga nakit-an sa mga rescue 
divers  sa ilalum sa dagat nga may gilawmong 
180 feet ug gilay-ong 800 ka metros gikan sa 
baybayon.

Gihaw-as gilauyon sa ibabaw sa tubig ang patayng lawas sa maong opisyal ug kini ang gisakay sa barko sa Philippine Coast Guard (PCG).

Dali ra nga nakuha ang patang lawas ni Robredo gumikan kay dool kini sa naabri na nga ganghaan.

Nakit-an usab sa ilalum sa dagat ang 3 ka parti sa eroplano nga napikas ang main fuselage, ang pako ug ang dapit sa ikug niini.

Gihimo usab ang pag-haw-as sa lain pang 2 ka mga patayng lawas sa Pilot nga si Capt. Sessup Bahinting ug ang Nepalese nga si Kshitiz Chand.

Gumikan sa kangitngit sa ilalum sa dagat, gigamit sa mga rescuer team ang gitawag ug remote operated vehicles (ROV) aron ilang naplanohang himoong diskarte sa paghaw-as sa nahabiling 2 pa ka patang lawas.

Sa gihimong pamahayag ni Sec. Roxas nga tataw nga nakahilak kini sa kasubo sa nahitabo, nga nakit-an na sa mga drivers ang patayng lawas ni Robhredo, gipahibalo kini gilayon niya ngadto ni Pangulong Noynoy Aquino didto sa Malacañang ug gipahibalo usab kini ni pangulong Pinoy ngadto sa kapikas ni Robredo nga si Leni ug sa pamilya niini kalambigitan sa nahitabo.

Kahinumdduman nga si Sec. Robredo ang gikan sa dakbayan sa Cebu ug pauli nga kini sa Naga City sa dihang mihagsa ang abyon nga gisakyang niini didto sa kadagatan sa Masbate kaniadtong Sabado sa mga alas 4:30 sa hapon. 

Si Robredo ang mitambong sa usa ka groundbreaking sa PNP Regional Training Center  ug CIDG Summit isip representanti ni Pangulong PINOY.

Mo uli na unta si Sec. Robredo sa Naga City niadtong panahona aron matud pa tambungan ang awarding ceremony sa iyang kamanghurang anak nga si Jillian Therese nga nakakuha ug medalya sa swimming kompitisyon sa ilang region.

Si Sec. Roberedo ang anaa na sa 54 anyos nga panuigon. Siya  ang gitudlo nga cabenete ni Pangulong Pinoy Aquino isip kalihim sa DILG kaniadtong Hulyo 2010, nahimo kining City Mayor sa Naga City sa Camarines Sur solud sa halos duha ka dekada. Una siya nahimong Mayor kaniadtong tuig 1988 sa nag-edad nga 29 anyos ug gitumbok nga “the youngest Philippine City Mayor.” Nahimo usab siya nga pangulo sa League of Cities of the Philippinesw kaniadtong 1995.

Si Robredo ang nag-alagad usab isip chairman sa Regional Development Council sa Bicol Region kaniadtong tuig 1992-1998.

Naila si Jesse sa Asiaweek Magazine kaniadtong pagka Mayor niya gumikan sa pag-dumala sa Naga City ug nahimong isip usa ka progresibo ug the most improved cities. Lakip usab sa mga nahimong naangkun nga pasidungog kun  individual award ni Jesse ang pagka Outstanding Young Person of the World, Outstanding Young Men of the Philippines ug nahimong pinaka unang 'Dangal ng Bayan Awardee' sa Civil Service Commission.

Si Jesse Robredo ang natawo kaniadtong Mayo 27, 1958 ug naka human sa duha ka mga kurso, Industrial Management Engineering ug Mechanical Engineering sa De La Salla University.

Siya ug ang iyang asawa nga si Atty. Leni Robredo ang gipanalanginan ug 3 ka mga anak nga babaye. (Jong Cadion)

Related story:

* Pagpangita kang DILG Sec. Robredo padayon karong adlawa

* Pagpangita kang DILG Sec. Robredo padayon karong a...