Mass hiring karong tuig 2013 posibleng ipatuman

P60 bilyones ka pesos alang sa 164 kalibo ka mga empleyado sa kagamhanan ang sisaway sa congresso nga usa ka “election bribery”

P2 trilyones 2013 National Budget alang sa 
2013 aprobado na.

Mopahigayon ang Malacañang ug usa ka nasudnong pangpangdawat ug trabaho sa sunod tuig atol sa nagkadool na nga election diin kini ang nag gahin ug igong pundo nga nagkantidad ug P60 bilyones ka pesos alang sa mokabat ug 164,230 ka mga kawani nga wala mapil-aping mga bakanting posisyon sa kagamhanan, matud pa ni Agham Rep. Angelo Palmones ug ni Kabataan Rep. Raymond Palatino.

“Kini ang usa ka halapad nga pagsuborno alang sa umaabot nga election pinaagi sa pagtan-yag ug daghang bakanting trabaho diha sa kagamhanan nga matud pa wala nahatag sulod sa duha ka tuig,” Matud pa ni Rep. Palatino, basi sa usa ka moratorium on hiring and promotions nga gimanduan nga ipatuman ni Pangulong Benigno Aquino III karong Mayo sunod tuig.

P2 trilyones National Budget giaprobahan

alang sa tuig 2013.

Ang mga magtutudlo ang wala malakip sa pag-undang sa pagdawat, apan matud pa ni Palmones nga kini ang ilang gidudahan kay ang mga magtutudlo dako ug gimbuhaton sa matag adunay election nga isip magsilbing election inspectors ug canvassers.  

Ang paghisgot sa P2 trilyones nga National 

Budget alang sa tuig 2013.

“Election na sa sunod tuig. Nagpasabot kini nga ang kagamhanan bisan pa sa ilang pagbalik-balik ug pamakak mihimo kini sa pagdagitnot sa mga galastuhan sulod sa duha ka tuig aron makabatun ug igong pundo alang sa umaabot nga election,” sa asoy pa ni Palatino.

Midugang pa si Palatino nga ang 2013 budget ang gipanday ug gipalig-on sa administrasyon “aron adunay igong gahum nga dumalaon ni PINOY alang sa iyang partidong political ang Liberal Party sa sunod elections.

“Wala kami laing mahimo gawas sa pagduda lamang nga mao kini ang motibo nga nagpaloyo sa himoon unya nga “mass hiring” sa mga mahimong empleyado sa kagamhanan hilabina sa mga magtutudlo nga unta gikinahanglan kaniadto pa untang miaging duha ka tuig,” ang pagsaway pa ni Palatino.

Gi lakip usab ug question ang hiring sa 6,482 ka mga auditors alang sa buhatan sa Commission on Audit imbis nga magbaton unta kita ug dugang pwersa sa mga sakop sa kapulisan nga gikinahanglan nga mokabat ngadto sa 5,305 ka mga police nga pagadawaton unta alang sa training sa sunod tuig 2013. 

Kini ang matud pa miduble sa gidaghanon sa mga trabahanti sa commission on audit ngadto sa 12,000 ka mga empleyado.

“Abinako nga ang kagamhanan ni PINOY anaa magsubay sa tul-id nga dalan? Ngano man daghanon ang mga empleyadong auditor? aron ba lamang kini nga ma monitor ang mga galastuhan ug mga pangurakot sa mga opisyales sa kagamhanan? nga imbis daghanon ang pwersa sa mga ginsakpan sa kapulisan aron adunay mopanalipud sa mga katawhan batok sa mga sindikatong criminal ug terorista nga naghatag ug kadaot sa atoang nasud,” dugang pamahayag ni Palmones.  

Gisaway usab ni Palatino ang Palasyo sa Malacañang nga dili makataronganon ang pagpangdawat sa mga magtutudlo gumikan kay kini temporaryo lamang kun part-time basis ug dili regular. 

Gibutyag usab ni Palatino “nga daghang mga tulunghaan sa elementary ug secondary lakip na ang mga pang-koliheyo ug universidad nga duha ang ilang dawaton nga part-time nga bugti sa usa ka posisyon aron matud pa maka-tipid gumikan kay gipasiatab sa malacañang nga walay kwarta ang kagamhanan alang sa pagbayad unya sa mga benepisyo ug ingon man kasigurohan sa ilang kaugmaon sa panarbaho,”  

“Sulod sa duha ka tuig, gihikawan sa kagamhanan ang mga magtutudlo ug ang mga kabataang studyanti nga makabaton sa tukmang pagtudlo kun “Quality Teaching” nga maoy bugtong gikinahanglan gumikan kay ang ilahang giplano mao ang pagkuha lamang ug mga trabahanting mga magtutudlo nga temporaryo ug panahon lamang ng adunay election,” dugang mga pagsaway ni Palatino.  

Ubos sa Special Purposed Funds nga sa P2 trilyones ka pesos nga national budget, P17 bilyones ka pesos ang gigahin alang sa bakanting mga posisyon, P22.26 bilyones alang sa pagmugna ug mga bag-ong katungdanan ug ang P20.26 bilyones ang gigahin usab ngadto sa mga bag-ong fulled-up positions ngadto sa mga nagkalain-laing ahensya sa kagamhanan nga nakabaton ug rationalization program nga diin dugay nang na aprobahan.   

Mokabat usab ngadto sa P70.08 bilyones nga pundo nga gigahin alang sa miscellaneous personnel benefits ug ingon man P9.9 bilyones usab alang performance-based bonus.

Samtang mokabat ngadto sa 103,230 ang kuhaong mga trabahanti alang sa mga unfilled position lakip na sa military ug uniformed personnel nga gigahinan ug P6.07 bilyones ka pesos.

Ang Department of Education gigahinan usab ug nga P7.4 bilyones ka pesos alang sa 21,142 ka mga unfilled positions ug P20.41 bilyones usab alang sa mga gimugna nga 39,858 ka mga bag-ong posisyon.

Sa P20.41 bilyones, adunay P5.15 bilyones ng gigahin alang sa mga bag-ong gimugna nga mga teaching ug non-teaching positions kaniadtong 2011 ug ning tuiga 2012 ug ang nahabilin nga P15.26 bilyones alang usab sa mga bag-ong gimugna nga mga teaching ug non-teaching position alang sa sunod tuig 2013.

Gawas sa 5,305 ka mga kapulisan, mokabat sa 600 ka mga jail guards, 2,079ka mga firemen ug 673 ka mga ahente sa National Bureau of Investigation (NBI) ang pagadawaton.

Ang Supreme Court ug ang lower courts gigahinan usab sa 5,357 ka mga bakanting posisyon, sa weather bureau mokuha usab ug 175 ka mga trabahanti.

Ang Department of Public Works and Highways mokuha usab ug 7,236 ka mga trabahanti alang sa pagpahigayon sa pagpatuman sa kagamhanan sa ilang mga infranstructure projects

Migahin usab ang kagamahanan ug P98.71 bilyones alang sa mga moretiro ubos sa retionalization program.

Samtang sa suma total nga P64.21 bilyones ang gigahin alang sa mga bayronon sa mga moretiro sa military ug mga veterano.

Mokabat usab sa P30.4 bilyones ang gigahin alang sa bayronon sa mga miretiro ug terminal leave benefits, P2.7 bilyones alang sa separation benefits ug uban pang mga incentives ug P1.4 bilyones alang sa monetizing sa mga transferred leave credits alang sa tibook tuig 2013. (Jong Cadion)