MGA TAG-IYA UG PANAGATAN GIBASUL SA COAST GUARD SA NAHITABONG PAGKALUNOD, 2 ANG PATAY SAMTANG 4 ANG NAWALA

 CLICK HERE TO LINK - Zamboanga del Sur, hindi nakaligtas sa hagupit ng “Bagyong Ofel”
                           Coast Guard blamed owners of Fishing Boat on the incident: 2 killed 4 missing

NI JONG CADION

PAGADIAN CITY – Mokabat na ngadto sa 2 sa 6 ka mga mananagat nga nawala ang nakit-an na sa hiniusang pwersa sa Philippine Coast Guard ug sa Maritime Police sa ilang gipahigayong Search and Retrieval Operations didto sa kadagatan sa Yllana Bay kalambigitan sa nahitabong pagkalunod sa 7 ka mga panagatang ‘Tapay-Tapay’ gumikan sa “Bagyong Ofel.”

Ang maong pagpangita gisugdan kaniadtong Oktubre 25, 2012 sa buntag human nga ilang nadawat ang taho kalambigitan sa maong hitabo ug gitapos kini kaniadtong Sabado sa gabii Oktubre 27, 2012.

Matud pa ni Coast Guard Commmander SCP Officer Ronald Lazo Tolentino nga ang duha ka mga patayng lawas ang gidala sa Fish Port aron maila sa ilang kabanay.

Kini ang nalhan nga sila si Perdo Sentino Alcala 63 anyos, minyo nga lumolupyo sa Bagong Silang, Balangasan ug si Patricio Albano Calago 35 anyos nga lumolupyo  sa Purok Bougainvilla barangay San Pedro , Pagadian City.

Si Alcala ang nabangalan nga nag lutaw-lutaw kauban sa ilahang nabungkag nga panagatang Tapay-tapay nga F/B 5 Sisters didto sa Brgy. Bibilik sa lungsod sa Dumalinao, Zamnoanga del Sur kaniadtong Huwebes sa buntag, samtang si Calago didto kini nakaplagi sa Brgy. Malim sa lungsod sa Tabina ning lalawigan usab sa Zamboanga del Sur.

Samtang ang lain pang 4 ka mga mananagat ang kasamtangan pa nga wala igkita apan ang 2 niini ang nailhan na nga sila si Jason Gastales Alibio 25 anyos nga lumolupyo sa Brgy. Tawagan, ug si Marjon Pableo Encabo nga lumolupyo sa Lower Landing Tomoy, Dumingag, Zamboanga del Sur.

Gibasul sa kaddagkuang opisyal sa PSG dinhi sa lalawigan ang sikretong pagbiyahe sa mga mananagat alang sa ilang panginabuhian bisan pa sa mga pahimangno nga ginadili pa ang pagbiyahe samtang anaa pa ang paghulga sa Bagyong Ofel.

Sa paghinabi sa Frontline News ngato ni Coast Guard Commander Tolentino nga usa ka adlaw sa wala pa makasulod sa area of responsibility sa nasud si Bagtong Ofel ila nang gipahibalo ang tanang nilang mga coastal mobile patrol sa mga kalungsuran sa  lalawigan kabahin sa usa ka temporary No Travel Order ngadto sa tanang matang sa sakyanang pangdagat tungod sa Bagyong Ofel.

Gumikan niini, gihangyo matud pa ni Coast Guard Commander Tolentino ug sa Hepe sa Maritime Police nga si PINSP Virgilio Vera Paragas ang tanang mga nanag-iya sa mga panagatan nga nangalunod sa pagsumiti sa mga papeles sa ilang mga panagatan ug lakip na ang mga listahan sa ilang mga tripolanti human kini nga napakyas  sa pagtuman sa maong kamanduan sa pagpananghid ngadto sa maong buhatan sa matag lawig nini aron matino kung aduna bay mga legal nga mga dokumento ug mga kagamitan kabahin sa Safety of Life at Sea kun SOLAS sulod sa ilang panagatan.

7 sa 9 ka mga Tapay-tapay nga nakalawig atol sa Bagyong Ofel mao ang mga panagatan; 1 F/B 5 SISTERS, 2 sa F/B KRISTA-I ug KRISTA-II, 1 sa F/B ernie. F.B TRIPLE A, UG 2 sa F/B JUBELLINE.   

 RELATED ARTICLE:

 CLICK HERE TO LINK - Zamboanga del Sur, hindi nakaligtas sa hagupit ng “Bagyong Ofel” 
MGA TAG-IYA UG PANAGATAN GIBASUL SA COAST GUARD ANG NAHITABONG PAGKALUNOD, 2 ANG PATAY SAMTANG 4 ANG NAWALA