Mokabat sa 48 ka tikasang tibangan sa Agora nadakpan

Mga timbangang tikasan sulod 

sa Agoroa gipangdakop

By Jong D. Cadion

PAGADIAN CITY – Dako ang kahikurat sa mga negusyante sa sulod sa Agora sa dihang kalit nga gilusad ang pag-inspeksyon sa tanang mga timbangan ning bag-uhay pa lamang.

Mokabat ngadto sa 48 ka mga timbangan ang nasuta nga adunay depikto sa timbang gikan sa nagkalain-laing tindahan ang gipang-imbargo samtang ang mga tag-iya niini ang gipahamtangan ug multa sa tinugyanan sa mamahandi ning dakbayan, (City Treasurer). 18 ka mga timbangan gikan sa utanan ug prutasan section, 9 gikan sa isdaan, 14 gikan sa karnihan ug 7 gikan sa bugasan section.

Operation Timbangan ang gilusad 
sa mgatinugyanan sa ConsumerNet 
sulod sa Agora

Ang Operation Timbangan ang hiniusang gilusad sa mga tinugyanan sa ConsumerNet, nga ginsakpan gikan sa mga nagkalain-laing ahensya sa kagamhanan nga diin ang tumong mao ang pagpanalipud sa katungod sa mga konsumante.

Kini ang gilangkuban sa buhatan sa Department of Trade and Industry (DTI), Department of Health (DOH), Department of Education (DepEd), Department of Agriculture (DA) ug ang buhatan sa Market Superintendent sa dakbayan sa Pagadian.

Ang Operation Timbangan nga gipahigayon sulod sa Agora sa Pagadian maoy usa sa mga kalihukan sa pagsanong sa pagsaulog nining bulan sa Oktobre sa matag tuig isip Consumer Welfare Month nga diin niining tuiga nagdala sa tema “Get Organized. Be Heard. Be Empowered.”

Ang tumong sa tinuig nga kalihokan mao ang pagpahinumdum sa publikong konsumante nga magpakabana aron mapanalipdan ang tagsa-tagsa ka mga katungod batok sa mga tikasan nga mga negusyante pinaagi sa dili tukmang sukod sa timbangan ug sa uban pa nila nga dili maayong binuhatan diha sa publiko.

Basi sa pagpatuman sa balaud sa Consumer Act of the Philippines (R.A. 7384) ang pagpangdakop sa mga depikdadong timbangan ang ubos sa pagpatuman sa buhatan sa City Treasurer ug sa mga hingtungdang ahensya sa kagahanan nga gilangkuban sa ConsumerNet nga gitahasan sa paghimangno sa publikio.