NAFPEM mipahigayon ug Walk for Peace Parade aron Supakon ang pagsaulog sa ika 44 ka tuig nga kasumaran sa pagkamugna sa CPP-NPA

Ni DINAH MARASIGAN

Walk for Peace palibot s nag-unang

kadalanan sa lungsod sa Molave

(Hulagway kuha ni Jong Cadion)

MOLAVE, ZAMBOANGA DEL SUR - Nagmalampuson ang usa ka Walk for Peace nga gipahigayon sa mga sakop sa National Freedom for Peace Movement (NAFPEM) kagahapon Disyembre 26, 2012 didto sa lungsod sa Molave Zamboanga del Sur.

Ang NAFPEM usa ka grupo sa mga katawhan nga namugna kaniadtong imaging tuig 2011 alang sa pag-asdang sa kalinaw, Anti-Communism, Terorism ug pagbatok sa Illegal nga mga Druga ug uban pang matang sa krimen nga naghatag ug kadaot sa kahusay ug kalinaw nga naghatag sa negatibong ipikto sa ekonomiya sa nasud.

Dante Labunog, Founding Chairman

NAFPEM (Hulagway kuha ni Jong Cadion)

Matud pa ni Dante Labunog ang Founding Chairman sa maong grupo nga ang maong kalihokan kagahapong adlawa nga nagdala sa tema alang nining tuiga “Katambayayong sa katilingban pagreserba sa Diosnon ug malambuon nga Henerasyon” gituyo pagmugna aron kuntrahon ang pagsaulog sa ika 44 ka tuig nga kasumaran sa pagkamugna sa Rebolusyonaryong kalihokan sa grupong Communist Party ug New People’s Army kun CPP-NPA.

Walk for Peace palibot s nag-unang

kadalanan sa lungsod sa Molave

(Hulagway kuha ni Jong Cadion)

Human sa Walk for Peace Parade palibot sa nag-unang kadalanan sa lungsod sa Molave usa ka programa ang gipahigayon didto sa Molave Gym nga gitambungan sa mga tag-as nga mga opisyal sa kapulisan ug kasundaluhan sa First Infantry (Tabak) Division diin si 1Lt Pableo S. Baloja Jr., Alpha company commander sa 55^th Infantry Battalion sa Philippine Army nga maoy mereprentar ni Col. Romel Almaria ang Battalion Commander sa 55^th IB nga nagbasi sa Barangay Argaw.

Nasayran sa RMN-DXPR nga kasagaran nga mitambong pulos lamang mga representante sa mga dagkung opisyal sa kagamhanan. Pakyas usab nga mitambong ang Provincial Director sa kapulisan nga si PSSUPT. Romeo Razon Uy nga maoy gitumbok nga Guest Speaker.

Walk for Peace Parade palibot sa nag-unang kadalanan sa lungsod sa Molave. (Hulagway kuha ni Jong Cadion)

Walk for Peace Parade palibot sa nag-unang kadalanan

sa lungsod sa Molave. (Hulagway kuha ni Jong Cadion)

Walk for Peace Parade palibot sa nag-unang kadalanan

sa lungsod sa Molave. (Hulagway kuha ni Jong Cadion)

Ang mga sakop sa NAFPEM nangandam sa Himoong programa

didto sa Molave Gym, samtang naka insert sa maong hulagway

ang Certificate of Recognition nga gigaahin ni PD Uy nga pakyas

mitambong isip Guest Speaker. (hulagway kuha ni Jong Cadion)