LIBERAL PARTY MAYORALTY CANDIDATE SA MARGOSATUBIG CHARLITO TUGAO ALL OUT SUPPORT SA PEACE FRAMEWORK AGREEMENT ON BANSANGMORO REGION

please click below to link the related article 
PEACE FRAMEWORK AGREEMENT ON BANGSAMORO REGION..............

By JONG CADION

Margosatubig Mayoralty Liberal

Party Candidate Charlito “Charlie”

Tugao (sa toong dapit naglingkod)

Hulagway kuha ni Jong Cadion

MARGOSATUBIG, ZAMBOANGA DEL SUR – “Kining maong kasabutan nga gipirmahan sa atong Pangulo nasud PNOY Aquino ug sa Moro Islamic Liberation Front (MILF) ang angayan nga suportahan ug kinahanglan gayud nga mapadangat ngadto sa mga katawhan ang unod sa maong kasabutan aron masabtan gayud sa tanan,” kini ang pamahayag ni Liberal Party Mayoralty Candidate Charlito “Charlie” Tugao human nga sa unang higayon iyang nadungog ang unod sa maong Peace Framework Agreement on Bangsamoro Region.

Matud pa ni Carlie Tugao nga dako iyang kalipay sa dihang adunay mipahibalo kaniya kalambigitan sa ipahigayong Advocacy Forum sa Margosatubig Gym hinungdan nga iya gayud kining gitambungan gumikan kay kini maoy anaa sa iyang priority agenda kun programa sa pagpatunhay sa kahusay ug kalinaw paingun sa kalambuan sa taga Margosanon.

Walay kalambuan nga maangkon sa usa ka dapit kung walay tarong nga programa alang sa kahusay ug kalinaw, hinungdan nga iya kining kusganong gisuportahan, dugang pamahayag ni Tugao.

Kinahanglan nga ang maong kasayuran mapadangat ngadto sa mga katawhan diha sa mga kabarangayan aron ilang masabtan ug mapukaw ang ilang pagpakabana sa paghiusa aron mabatunan ang dugay nang gipangandoy nga kalinaw dili lamang dinhi sa atoang dapit apan ngadto na sa kinatibok-ang isla sa Mindanao, sumala pa ni Charlie Tugao.

Natingala lamang si Charlie kung nganong walay mitambong nga mga tinugyanan sa Local Government Units (LGUs) sa maong advocacy forum nga unta angayan man nga pangulohan kini sa LGU ang maong kalihokan isip supporta sa programa alang kalinaw sa kasamtanang kagamhanan sa nasud.

Si Charlie Tugao usa ka Margosanon, negosyante, Subanen leader nga kaliwat sa mga Dacula ug Imbing ang mitahan sa iyang kaugalingon pinaagi sa pagsalmot niining umaabot nga bugnong lugaynon kun umaabot nga election sa pagka Mayor karong alang sa lungsod sa Margosatubig, Zamboanga del Sur.  

Kumander Alimudin Bualan

(Hulagway ni Jong Cadion)

Samtang gidayeg ni Kumander Alimudin Bualan, sa sa MILF Team 3 Western Mindanao Front Operation Officer ang supporta nga gipadangat ni Charlie Tugao isip usa ka Subanen Leader.

  

Matud pa usab ni Kumander Bualan nga ang maong Peace Framework Agreement gipermahan Ni President Pnoy Aquino ug sa MILF aron maoy basihanan sa pagamugnaong tubag sa pagbaton ug kalinaw ug kalambuan dinhi sa Mindanao ug panahon na nga maghiusa kitang tanan isip usa ka Bansangmoro nga mga lumolupyo dinhi sa Mindanao.

“Ang maong kasabutan naghatag ug patas nga pag-atiman kanatong tanan nga mga katawhan dinhi sa Mindanao ug angayan lamang nato kining suportahan,” mga pag-awhag ni Kumander Bualan.