Farm Inputs at Equipment initurn-over ni ARMM ES Malang Kay RS Maguindra

ARMM Gov. Mujiv S. Hataman

RG Hataman keynote speaker sa MAOs Gen Assembly, 2012 Agri-Pinoy Incentives ng mga kawani nangakong ipamahagi

COTABATO CITY - Sa simpleng seremonya noong hapon ng biyernes sa harap ng gusali ng ORG, itinurn-over ni Executive Secretary Atty. Anwar Malang kay DAF Regional Secretary Engr. Marites Maguindra ang farm inputs at equipment na tulong ni ARMM Regional Governor Mujiv S. Hataman sa mga magsasakang dumanas ng hagupit ng bagyong Pablo sa ARMM.

Ang mga farm inputs at equipment na itinurn-over ay kinabilangan ng tig-10 units ng hand tractor na may makinang 10 horsepower at kalakit din ang 10 trailers. Ang bawat trailer ay may lulang tig-20 sakong sertipikadong binhi ng palay na may timbang na 40 kilo gramo bawat sako at sampung knapsack sprayers.

Ayon kay Malang, ang naturang tulong mula sa economic funds ni Governor Hataman ay inilaan para sa apektadong rice farmers ng bagyong Pablo sa Lanao del sur at Maguindanao.

Tiniyak naman ni Secretary Maguindra na makararating agad sa mga magsasaka  ang nasabing tulong  kapag matukoy agad kung sino-sino ang magsasaka o grupong magsasaka ang labis na sinalanta ng Pablo ang sakahan.

Kaalinsabay din sa naturang turn-over ceremony ang pamamahagi ng insintibo sa mga utility workers na nagpapanatili ng kalinisan sa loob at paligid ng ORG compound. (RAFID-ARMM)