BIR Revenue District No. 92 collection mitaas sa 28 porsiyento ning tuig 2013

By JONG CADION

PAGADIAN CITY - Unang higayon nga ang buhatan sa Bureau of Internal Revenue (BIR) ang nag-unang tax collection agent nga buhatan sa kagamhanan ang nakapahigayon ug pagkulekta sa kinatibok-ang kapin sa (Php1 trillion) Usa ka Trilliones ka pesos sa miaging tuig 2012. Kini ang unang higayon nga nakahimo sa pagkolekta sulod sa kapin sa 100 ka tuig sukad nga namugna ang buhatan sa BIR.

Matud pa ni BIR Revenue District Officer (RDO) Attorney Nasrollah Conding nga niining tuig 2013 ilang gipaninguha nga makahimo sila sa pagkulekta sa sobra sa ilang nakulikta sa miaging tuig 2012.

Dinhi sa lalawigan sa Zamboanga del Sur ug sa dakbayan sa Pagadian, ang buhatan sa BIR RDO No.92 gitahasan nga mohimo sa pagkulekta alang nining tuiga sa kantidad nga Php836 milyones ka pesos kun mitaas sa 28% porcento gikan sa ilang target collection nga Php600 milyones ka pesos sa miaging tuig 2012, dugang pamahayag ni RDO Atty. Conding.

Atong nasayran nga sa miaging tuig 2012 ang BIR RDO No.92 nakahimo sa pagkulekta sa subra sa 20% porsento sa ilang target collection ug gumikan sa dako nga accomplishment kun kalamboan nga ilang nahimo mao kini ang hinungdan nga gipatas-an ang ilang target goal collection niining tuiga 2013.

Naniguro ug naglaum si Atty. Conding nga ila ra gihapon makulekta ang maong gitahas nganha kanila pinaagi sa kooperasyon sa mga tax payer ug pinaagi usab sa ilang mga bag-ong pamaagi sa pagkoleckta, susama sa automatic nga mohatag sa resibo sa matag load sa cel phone gikan sa mga retailer ug lakip na usab sa metrohan sa mga taxi ug uban pang mga pamaagi sa paghatag sa mga resibo sa matag palit natong mga konsumante nga morehistro kini dayon ngadto sa kauluhan pinaagi sa computerized system nga gimugna nga gitawag ug metering of data sa matag payment transaction.

Gumikan niini, gihangyo ni Atty Conding ang tanang mga taxpayer sa pagpangayo gayud sa resibo sa matag bayad sa ilang mga pinalit ug ingon man niining umaabot bulan sa Abril 15, 2013 sa pag-file sa Invome Tax Returns aron malikayan ang mga multa nga 20% nga amaulahi sa pag-file ug ingon man ngadto sa 50% ngaz multa kung mapamatud-an nga tinoyo ang pagdelatar sa pagbayad.

Samtang gibutyag usab ni Atty Conding nga sa sunod bulan sa Febrero 2013 ilang gilauman nga madawat na nila ang gante nga nagkantidad sa Php25-mil ka pesos nga regalo kanila gikan sa national nga buhatan sa ilang malampusong gihimong tax collection nga nasobra sa ilang target goal collection.