Petition sa mga Subanen Tribal Council of Elders batok sa TVI-RD Positibong paboran sa Malacanang

Ni DINAH MARASIGAN

     RMN-DXPR BALITA

NCIP Certification

PAGADIAN CITY - Kini ang kasayuran nga gipadangat ni Bobby Lingating usa sa mga Tribal Leaders, human nga ang maong petition batok sa Toronto Ventures Inc.-Resource Development (TVI-RD) gidawat sa buhatan sa Pangulo nasud PNoy Aquino.

Nasayran nga kaniadtong miaging tuig 2012 mipadangat sa usa ka petition nga gipirmahan sa 18 ka mga Tribal Council of Elders ug mga Tribal Leaders sa Subanen sa Zamboanga del Sur, Zamboanga Sibugay ug ZaNorte batok sa padayon nga operasyon sa pag mina sa TVI-RD didto sa Sitio Balabag, Brgy. Depore, Bayog, Zamboanga del Sur.

Mapa sa Ancestral Domain

Ang maong petition gipasikad sa Republic Act No. 8371 kun Indigenous People’s Rights Act of 1997 (IPRA Law) nga nag-ila sa mga kayutaan nga giangkun sa TVI-RD ang nasakop sa Ancestral Domain CADT No. 075 nga gilangkuban sa mga dapit sa Bayog, Zamboanga del Sur ug Sindangan, ZaNorte.

Basi usab sa Certification nga gipagawas sa National Commission on Indigenous Peoples (NCIP) nga pinermahan ni Regional Director Salong Sunggod nga ang TVI-RD walay Free and Prior Informed Consent (FPIC) permit nga gihatag ang buhatan sa NCIP pinaagi sa mga Tribal Council of Elders sa dili pa mopahigayon sa ilang mining operation sa sulod sa ilang ancestral land.

Gumikan niini, ilang gitumbok nga illegal ang mining operation nga gipahigayon sa TVI-RD. Hinungdan, ilang gihangyo si Pangulong PNoy pinaagi sa buhatan sa Mines and Geosciences Bureau (MGB) nga kansilahon na sa labing madaling panahon ang ilang Mineral Production Sharing Agreement (MPSA).  

Samtang naka nakatutok usab karon ang mga nagkalain-laing Civil Society Organization (CSO) nga nagpanalipod sa Tawhanong Katungod ug Kinaiyahan lakip na ang Interfaith Forum Solidarity for Peace kalambigitan sa mga reklamo nga gipadangat sa mga Subanen batok sa grabeng nahitabong patay kun Extra Judicial Killing ug Human Rights Violations didto sa lungsod sa Bayog.