Dili piyansa ang hinungdan sa pagka-gawas sa bilanggoan ni Timothy Piedad.

By KIT KAIMO

Timothy Piedad sa dihang

gibisitahan sa Sec. Gen sa

NUJP didto sa buhatan sa

PNP City Police Station.

(Hulagway ni JONG CADION)

PAGADIAN CITY – Gimanduan nga ipagawas gikan sa bilanguan ni Timothy Librando Piedad kaniadtong Febrero 7, 2013 sa mga alas 10:00 sa gabii human nga wala ma-Inquest ang kasso nga gipasaka batok kaniya.

Wala tugoti sa buhatan sa Prosecution ang pag-inquest sa kaso nga gipasaka sa mga tinugyanan sa Criminal Investigation and Detection Group (CIDG) ug sa Provincial Public Safety Company (PPSC) human nga nakita nga dili igo ang ebedensya ug wala magtukma ang mga documento ug adunay mga discrepancy sa mga gisubmite nga mga documento.

Hinuon kini ang nahimo na lamang nga regular filing ang pagpasaka sa maong kaso ug gi-recommandar nga ipahigyon ang usa ka preliminary investigation aron mahatagan sa pag-review sa maong kaso ug gihatagan usab sa higayon sa prosecution ang akusado nga pagduso sa ilang tubag kun counter affidavit.

Gumikan niini ang pagkabilango ni Timothy Piedad taman lamang sa sulod sa 36 ka oras ug dili na kini molapas pa ug gikinahanglan nga mapagawas niini ang akausado sa pagka bilango aron malikayan ang arbitrary detention kun illegal nga pagka bilanggo.

Kahinumduman nga gipsakaan si Piedad sa kasong Gun Running, Illegal Possession of firearms ug Pagsupak sa COMELEC Gun Ban human kini gidakop pinaagi sa usa ka entrapment kun Buy Bust Opertions kaniadtong Febrero 5, 2013. (Lakip sa taho ni JONG CADION)