Komentarista sa Radyo ni Mayor Co gidakop sa kapulisan sa kasong pagbaligya ug Armas, matud pa usa ka FRAME-UP?

By JONG CADION

Timothy Piedad gibisitahan

ni Rowena Paraan, Secretary

General sa NUJP didto sa City

PNP kauban ang ubang mga

sakop sa Pagadian Media.

(Hulagway ni Jong Cadion)  

PAGADIAN CITY – GITUMBOK NGA USA KA FRAME-UP ang nahitabong pagdakop sa mga ginsakpan sa kapulisan ni Timothy Librando Piedad ang komentarista sa Radyo ni Mayor Samuel Co sa Programa sa nga Punto-Por-Punto, kini ang kusganong gipamahayag ni Timothy Piedad kagahapong adlawa sa dihang gikahinabi siya sa mga sakop sa media.

Kahinumduman nga si Timothy Librando Piedad 29 anyos usa ka empleyado sa Buhatan sa Mayor sa dakbayan sa Pagadian ang gidakop sa mga tinugyanan sa hiniusang puwersa sa kapulisan sa Provincial Public Safety Company (PPSC) ug sa Criminal Investigation and Detection Group (CIDG) kagahapong adlawa sa usa ka Intrapment-Operation nga gipahigayon sa pagpangulo ni P/SInsp. Eric Sale Humpa ubos sa pagudumala ni P/Supt. Michael Pineda Palermo nga diin 3 ka caliber 45 nga pistola ang nakuha gikan kaniya.

Gibisitrahan ni Mayor Samuel Co

si Timothy Piedad didto sa City

PNP tapad sa iyang asawa

(Hulagway ni Jong Cadion)  

Matud pa sa police report nga sa mga alas 11:00 sa buntag Febrero 5, 2013 didto sa Purok Santan , San Jose District ning dakbayan sa Pagadian nga usa ka confidential agent kalambigitan sa usa nka negosyo sa pagpamaligya sa armas kung Gun Running.

Matud pa nga nakuha sa mga kapulisan gikan kangTimothy Librando Piedad ang 3 ka kalibre nga 45 pistol, kuwarta nga mark money nga nagkantidad ug P8,350.00, Nokia X2 cellular phone ug USB.

Matud pa ni Timothy Piedad nga kalit kaayo ang maong hitabo kay sa dihang naa pa siya sa Radio Station DXPR atong mga orasa nakadawat siya ug text message sa iyang amigo nga nagpatabang kaniya hinungdan nga iyang gisultihan sa iyang nahimutangan.

Matud pa nga gipaadto siya sa usa ka sakyanan nga nagparking duol  sa Provincial Jail. Sa dihang didto na siya sa sulod sa sakyanan wala niya damha nga kalit lamang siya gitiunan sa usa ka nagsibilyan ug lain pang 2 ka mga tawo gikan sa gawas sa sakyanan mition usab kaniya sa armas.

Pipila ka minutos nangabot dayon ang mga daghang unipormadong police nga pulos mition ug midakop kaniya ug gipaangkon sa armas nga atua nang daan sa sulod sa sakyanan, pamahayag pa ni Piedad.

Kaganihang hapon gidala si Piedad sa buhatan sa piskaliya aron ma-inquest ang maong kasong gipasaka batok kaniya nga Illegal Possession of Firearms, Gun Running ug Violation of COMELEC Gun Ban.

"Legitimate ang amoang gihimong Buy Bust kun Entrapment Operation gumikan kay lig-on ang ebidensya nga nakuha sa inbox sa cellular phone ni Piedad ug sa ilang gigamit nga agent nga nagpailang mopalit sa armas gikan kaniya nga diin adunay nahitabong transaction sa wala pa siya nadakpan ug kini anaa karon sa buhatan sa CIDG isip ebidensya, Matud pa ni P/Supt Palermo sa paghinabi sa Frontline News ug sa DXLN FM 94.1 MHZ pinaagi sa programa “Radyo Uno Patrol.” 6:00-7:00 A.M.  

Si Piedad kasamtangang anaa pa karon sa City PNP Police Station lock-up cell nabilanggo. Apan bisan pa man sa iyang kahimtang wala kini nakababag sa iyang padayon nga pag-anchor sa programa sa radio ug padayon gihapon ang iyang pagbatikos sa mag-tiayong Cerilles kalambigitan sa kasong plunder nga gipasaka batok kanila sa 3 ka mga opisyales sa kapitolyo nga mao ang Provincial Budget Officer, Provincial Accountant ug Provincial Treasurer ug lain pang duha ka kanhing mga sinaligang staff.