Mga pekeng kwarta nanggawas pagkahuman sa gipahigayong election

Charlito Tugao ang midagan nga Mayor ub os sa LP

(Hulagway ni Jong Cadion)

Pagadian City – Giandam na karon sa Liberal Party dinhi sa lalawigan sa Zamboanga del Sur, ang tukmang mga papeles sa pagpasaka ug kaso batok sa ilang kontra nga partido sa miaging election gumikan sa matud pa sa paggamit nila sa mga pekeng kwarta aron makuha lamang ang mga boto sa mga katawhan.

Matud pa ni Charlito Tugao ang napilding kandidato sa pagka Mayor sa lungsod sa Margosatubig, ubos sa Liberal Party nga posibleng nasilaw ang mga botante sa mga kwarta nga gipakatag sa ilang kaatbang sa politika sa pagtoong dili peke ang kwarta ug mapahimuslan kini bugti sa ilang mga boto alang sa mga kandidto nga nakalista sa usa ka papel nga diin didto nakadikit ang maong pekeng kwarta.

Kasagaran sa mga nabiktima mao ang mga gagmayng tindahan nga diin  nagsalaig lamang sa ilang inadlawng halin gikan sa ilahang gagmayng paninda.

Bisan ang Solar News naninguha nga makakuha unta ug pamahayag sa mga biktima apan walay nangahas ug midumili kini sa paghatag ug komento kalambigitan sa mga pekeng kwarta gumikan sa ilang kahadlok nga masumbalikan.

Police Inspector Dionecio

Jonathan de Castro, ang

Deputy Chief sa Margosatubig

Municipal Police Station

(Hulagwqay ni Jong Cadion)

Matud pa ang maong mga pekeng kwarta gihaatud lamang kini sa ilang mga panimalay anang gabii sa wala pa ang election.

Apan matud pa ni Police Inspector Dionecio Jonathan de Castro, ang Deputy Chief sa Margosatubig Municipal Police Station, nga wala silay na monitor nga adunay pekeng mga kwartra nga nakasulod sa ilang area of responsibility ug ang bugtong napildi nga kandidato lamang ang mipasaka sa riklamo didto sa ilang buhatan.

Hinoon mihimo gihapon sa makuting imbistigasyon ang mga ginsakpan sa kapulisan aron matino kung unsa ka tinood ang maong taho ug kung kinsay responsable sa pagpakatag niini didto sa ilang lungsod.  

Mga pekeng kwarta nga puparehang mga Serial Numbers (By JC)