1976 TSUNAMI SA PAGADIAN PAGAHANDUMON UGMA AGOSTO 17

Mao kini ang Land Mark kun haldumanan sa

Nahitabong Tsunami nga ibutang sa dalang

F.S. Pajares dapit sa may Mercury Drugs.

(Hulagway ni Jong Cadion)

JONG CADION

PAGADIAN CITY, ZAMBOSUR (August 16, 2013) – Karong Domingo Agusto 17, 2013 handumon sa Pagadian ang ika 27 na katuig ang nahitabong Linog ug Tsunami nga mikalas sa gatusan ka kinabuhi sa mga taga Pagadianon nga diin gitumbok nga pinaka unang hitabo sa kasaysayan sa tibook ASIA kaniadtong tuig 1976.

Matud pa ni City Disaster Risk Reduction Management Council Head Haron Damada nga sa maong paghandum pagahimoon na ang Earthquake and Tsunami drill diin lauman nga masaksihan ang reenactment sa mga nahitabo sa maong tuig. Kini pagasalmutan sa mga coastal barangay, pinaaghi sa mga tulunghaan, government agencies lakip na ang mga Non-government organizations.

Ang maong Earthquake drill magsugod ugma mga alas 8:00 sa buntag ug ang mahimong command post mao ang dalan sa F.S. Pajares tunga-tunga sa dalang Pulmones ug Jamisola.            

Permanente na usab nga ibutang ang command post sa dalang F.S Pajares, sa may poste dool sa Mercury Drugs ug ang usa MARKER nga maghinumdum sa tanan nga utlanan nga naabot sa maong tubig Tsunami nga nahitabo sa Pagadian kaniadtong panahuna.

OCD Regional Director Adriano Fuego ug si

CDRRMC Haron Damada naghisgot sa systema

nga himoon sa Earthquake drill ugma sa coastal

nga mga Barangays. (Hulagway ni Jong Cadion)

Gidunol ni CDRRMC Damada ngadto ni Si Vice

Mayor Divina Grace Yu ang Certificate sa iyang

pagtambong ug pagsalmot sa usa ka adlaw nga

Training sa Emergency preparedness sa Tsunami.

(Hulagway ni Jong Cadion)

Giawhag usab ni Damada ang mga katawhan nga mokasaksi sa maong talagsaon nga kalihukan aron ila usab nga makat-unan ang mga impotanteng kasayuran may kalabutan sa mga pagpangandan kun emergency preparedness lakip na ang pamaagi sa mga pagrescue panahon sa susamang kalamidad.

Kagahapong adlawa malampuson ang gipahigayong usa ka adlaw nga Tsunami Orientation Seminar nga diin gitambungan sa mga Coastal Barangays, sa Dumagoc, Sta. Lucia, Santiago, San Pedro, Miricay ug Kawit ug mga tulunghaan niini lakip na ang mga nagkalain-laing Civil Society Organizations.

Kini ang gitambungan usab ni Pagadian City Mayor Romeo “Tata” Pulmones, Vice Mayor Divina Grace Yu ug ubang mga sakop sa Sangguniang Panglungsod.

Ang maong Seminar gidumala usab sa mga tinugyanan sa Office of Civil Defense sa pagpangulo ni Regional Director Adriano Fuego, tinugyanan sa PAG-ASA, ug PHILVOC isip mga resource speakers atol sa maong seminar.

Lakip usab mihimo sa maong paghatag ug kasayuran ang mga tinugyanan sa Explosive Ordnance Disposal Team aron mahatagan sa tukmang kasayuran ang mga katawhan sa paglikay nga dili mabiktima sa mga nahitabong pagpamumba nga ginuhatan sa mga teroristang grupo.

Matud pa ni OCD Regional Director Fuego nga dako ang iyang kalipay nga gihatagan ug priority sa bag-ong administration sa city government sa Pagadian ang pagpatuman sa balaudnon sa pagbaton sa buhatan sa CDRRMC nga magtumbok sa pagdumala sa tanang matag sa kalamidad aron malikayan ang mga mabiktima niini.   

     

Si OCD RD Fuego kauban sa mga sakop sa Ummah Fi Salam