IPIL,
Zamboanga Sibugay – Mokaabat sa 7 ang namatay samtang 8 ang nangaangol sa
nahitabong pagbangga didto sa Purok Fortune, Barangay Poblacion didto sa
lungsod sa Titay, Zamboanga Sibugay.
Matud
pa sa taho gikan sa buhatan sa kapulisan, sa mga alas 10:30 ang takna sa gabii
Biernes, Agosto 17, 2012 samtang ang Cargo truck Bungo top-down type nga
gimaneho ni Froilan Dimasuhid ang puno sa karga nga mga ginalon nga gasoline gikan
sa dakbayan sa Orquieta, Missamis Occidental paingun sa lunsod sa Ipil sa
dihang paghidangat sa maong dapit kalit lamang nga maayong pagkabangga sa usa
ka pangpasaherong Van nga adunay plaka # JVJ-276 ug gimaheno ni Joel Villamor.
Matud
pa ni P/Insp. Mujib Haijula, Titay Municipal Police Chief, gumikan sa pagkakusog
sa maong pagbanga mialibwag ang gasoline hinungdan sa pagka silaob sa gikarga
nga gasoline hinungdan sa pagkasunog sa maong cargo truck lakip ang Van nga
adudnay sakay nga 14 ka mga pasahero.
Mokabat sa 8
sa 14 ka mga pasahero ang naluwas sa lakaip na ang truck helper dihang mitabang
ang mga nakasaksi dool sa nahitaboan pinaagi sa pagbuak sa loyong bahin sa
bintana sa Van aron makagawas ang mga nasamdang pasahero, sumala pa ni COP Haijula.
7
ang kompermadong patay nga nailhan sa ngalan nga silang Joey Y. Villamor,
Carmela A. Billones, Estarlito P. Despi, Sr., Antonia Gantalao, lakip ang
driver sa cargo truck nga si Dimasuhid ug usa ka 4 ka tuig nga batang babaye
nga nailhan sa ngalang Diamay Espina ug ang ayaan nga si Delia Espina.
(J Cadion)