Patong sa ulo alang sa kadagko-an sa CPP-NPA dili makatandog sa panagsabut alang sa kalinaw

Pangulong Pinoy Aquino

Nagtoo ang kagamhanan nga ang patong sa ulo nga gitagana sa pagsikop sa mga kadagku-an sa partido komunista ug New People’s Army (CPP-NPA) dili maka-apektar sa panagsabut alang sa kalinaw tali kanila.

Sumala pa ni Pangulong Benigno Simeon C. Aquino III kaniadtong nga adunay gigahin nga kantidad ang kagamhanan nga P5.6 milyones isip ganti niadtong makahatag sa impormasyon aron madagpan ang duha ka pangulo sa NPA nga sila si Benito Tiamzon ug Jorge Madlos nga pareho’ng nag-atubang ug mga kaso.

Matud pa ni Presidential Spokesperson Edwin Lacierda nga wala mahimoot si Pangulong Aquino nga wala gihapon madakpi si Tiamzon ug Madlos.

Gipasabot usab ni National Security Adviser Cesar Garcia nga ang pagbutang ug ganti alang sa mga wanted nga lider sa NPA maoy naandan na nga buhaton sa kagamhanan bisan wala pa masugdi ang panagsultianay alang sa kalinaw.

Si Tiamzon usa ka sakop sa NPA nga naghimo ug kagubot sa nasud nga ang kasagarang naapektuhan mao mga inosenteng katawhan.

Si Madlos usab maoy gitumbok nga utok sa mga pag-atake sa sibilyan ug nga dako ug ipikto sa ikonomikanhong kalihukan sa mga dapit sa Mindanao.

Ang CPP-NPA matud pa wala usab misanong sa gihimong panagsabut alang sa kalinaw tali sa gobyerno ug sa National Democratic Front (NDF).

kanihjumduman nga mihangyo ang mga kadagkoan sa NPA nga buhi-an ang uban nilang kauban nga nadakpan sa kasundalohan, gibutyag ni Garcia nga daghan na ang ilang gipangbuhi-an.

Samtang nagpabilin ang patong sa ilang ulo aron masikop ang nga malapasong pangulo sa NPA. Samtang gipatas-an usab karon ni Pangulong Pinoy ang ganti alang sa pagdakup sa nagtago-tago nga si retired general Jovito Palparan ug ang kanhi gobernador sa Palawan nga si Joel Reyes.

Adunay gigahin usab nga P2 milyones nga ganti alang sa pagkasikop nila ni Delfin Lee ug ang pangulo sa Philippine Benevolent Missionaries Association (PBMA) nga si Ruben Ecleo Jr.  nga padaon usab karon nga nagtago-tago (J. Cadion with reports from PIA)