Pagpangita kang DILG Sec. Robredo padayon karong adlawa

Gipadayon karong buntag ang pagpahigayon ug underwater search and rescue operation alang nilang Department of Interior and Local Government (DILG)

Photo file of DILG Sec. Jesse Robredo 
during his visit in Marawi City as guest 
of honor on the 53^rd Founding Anniversary 
celebration of Lanao del Sur on June 26-
July 4, 2012 (By Jong Cadion)

Secretary Jesse Robredo ug sa duha pa ka mga viteranong Piloto nga silang Capt. Jessup Bahinting ug ni Nepali co-pilot Kshitiz Chand nga hangtud karon wala pa gihapon igkita human nga mihagsa ang ilahang gisakyang twin-engine Piper Seneca nga abyon didto sa kadagatan sa Masbate kagahapon sa hapon.

Matud pa ni Commodore Joel Garcia, Commander sa Coast Guard District sa Bicol nga karong buntag ilang ipasalum pag-usab sa mga Divers ang dapit nga gihagsaan sa maong abyon.

Matud pa ni Department of Transportation and Communications (DOTC) Sec. Mar Roxas ang gitumbok sa kagamhanan nga maoy responsabli sa gipahigayong rescue operations nga kagabii ilang gisuspendi ang pagpahigayon sa underwater operations gumikan sa kakusog sa sulog sa tubig.

Samtang ang pagpangita sa ibabaw lamang ilang gipadayon kagabii, matud pa ni DOTC Sec. Roxas.

Masulob-on nga gipadangat ni Roxas ang iyang mga pamahayag “Hang on Jess” alang ni Robredo gumikan kay gihimo matud pa sa kagamhanan ang tanang pamaagi aron lamang makaplagan ang kalihim ug ang 2 niini ka mga kaubang piloto.

Kagahapon Agosto 18, 2012 sa mga ALAS 4:30 sa hapon sa dihang kalit nga mihagsa ang abyon nga ilang gisakyan ni Robredo gikan sa Cebu nga diin kini ang mitambong sa usa ka ground breaking sa PNP Regional Training Center ug sa CIDG Summit nga maoy mi representar ni Pangulong “Pinoy” Nonoy Aquino.

Gipamahayag usab ni Police Senior Inspector Jun Abrazado, ang naluwas nga aide ni Robredo sa sa mihagsa nga abyon, kapin sa 30 minutos pa lamang ang nakalabay human sila mi take-off sa dihang nakabaton na sa probelema ang maong abyon.

Nakighilambigit matud pa sila sa air traffic controller alang sa pagpanguyo ug pagtugot alang sa usa ka emergency landing sa pinakadool nga tugpahanan sa Masbate apan wala na kini nahidangat  ug kalit na lamang mihagsa ang maong abyon. (JONG CADION)

click here to link related story
* Pagpangita kang DILG Sec. Robredo padayon karong adlawa
* Patayng Lawas ni DILG Sec. Robredo nakit-an na-Roxas