Killer whale natagpuang patay sa karagatan ng basilan

By Ely Dumaboc

Isang higanting isda ang 
natagpuang patay sa mga 
tauhan ng BFAR doon sa 
karagatanng Basilan at dinala 
sa daungan ng Zamboanga 
City upang matukoy ang 
dahilan ng pagklamatay.  
(By Jong Cadion)

Patay na ng matagpuan ng mga tauhan ng Bureau of Fisheries on Aquatic Fesource o (BFAR) at ng Philippine Coastguard sa pangunguna ni Lt Luduvico Librilla ang isang Killer Whale o balyena na nasa 1.5 milya ang layo mula sa baybaying bahagi ng basilan kaninang umaga.


Agad na isinakay sa BFAR boat na nagpapatrolya sa karagatan ng Basilan at Zamboanga ang namatay na balyena para masuri sa mga kinauukulang ahensya ng pamahalaan dito sa Zamboanga City ang dahilan ng pagkamatay nito.

Ayon pa kay Zamboanga Coastguard Lt Commander Eliezer Dalnay, umabot sa labing dalawang metro ang haba ng dambuhalang isda, subalit di pa matukoy kung ilang araw na itong nagpalutang-lutang sa karagatan ng Basilan.

Naunang napaulat sa kanilang tanggapan nito lamang nakaraang Setyembre 14, 2012 na may isang sasakyang pandagat na nakabangga ng isang malaking bagay sa nasabing lugar, subalit hindi matiyak ng mga tripulante kung ito nga ay isda.

Sa assessment naman ni Zamboanga City Veterinarian Dr. Mario Aariola, na isang Sperm Whale ang nakita ng mga coastguard kanina, dahil sa porma ng nguso at buntot nito.

Isang higanting isda ang 
natagpuang patay sa mga 
tauhan ng BFAR sa doon
karagatanng Basilan at dinala 
sa daungan ng Zamboanga 
City upang matukoy ang 
dahilan ng pagklamatay.
(By Jong Cadion)

Pinagkakaguluhan pa ng mga taga Zamboanga ang namatay na malaking isda, na idinaan dito sa daungan sa kabila ng masangsang na amoy nito, dahil ito na umano ang pinakamalaking isda na napadpad sa karagatan ng Zamboanga at Basilan na kanilang nakita.

Matapos masuri ang dambuhalang isda ay dadalhin ito sa compound ng Marine Science and Technology para mailibing ito ng maayos ng pamahalaang panglungsod ng Zamboanga.