AGRI UG ABRA Party-List naghi-usa alang sa kadaugan karong Mayo 13

Ni KIT KAIMO

Human nga wala tugoti ang ABRA Party-List sa Commission on Election (COMELEC) sa pag-salmot niining Mayo 13 nga mid-term election mihukom kini sa paghi-usa ngadto sa AGRI Party-List aron mapalig-on ang pwersa niini ngadto sa kadaugan niining election.

Matud pa ni Anito L. Tilos, Board Member/Chairman sa Region 9 nga ang tumong usab niining maong paghiusa mao ang paglig-on nga matabangan ang mga Agrarian Reform Beneficiaries nga moasinso sa ilang panginabuhian isip mga mag-uuma.

Pastor Anito L. Tilos BOM/Chairman Region 9 (Photo by Jong Cadion)

Ang pag-ayuda sa ABRA ngadto sa AGRI party-list mao usab ang paghatag ug katumanan sa tinguha sa mga mag-uuma sa nasud hilabina dinhi sa Mindanao nga mahaw-as sa kalisud.

Ang mission ug vision sa AGRI ug ABRA nagkahiusa lamang hinungdan nga mas napalig-on pa hinoon niini ang programa alang sa mga mag-uuma busa gilauman nga magmadaugon kini karong umaabot nga election.

“Giandaman na karon sa duha ka partido ang kadaugan sa pagpatuman sa 5 ka mga ponto sa plata porma niini alang sa mga mag-uuma, busa atoa kining hatagaan ug katumanan pinaagi sa pagbutar diha sa balota numero 125,” hangyo pa ni Tilos.