COMELEC gun ban padayon nga gipatuman, 62 ka armas nadakpan, 64 ka mga armas boluntaryong gisurender

By JONG CADION 

PAGADIAN CITY - Kini ang gibutyag ni Police Provincial Director (PD) P/SSupt Thomas Abellar sa Zamboanga del Sur Police Provincial Office, Cmp Abelon, Lumbia District ning dakbayan sa Pagadian.

Sa 62 ka gidaghanon sa mga loose fire arms nga nadakpan, 36 niini nadakpan sa gihimong raid, 21 niini nadakpan sa gipahigayong random check point nga ang kaso gipasaka na sa Korte, 5 usab ang nadakpan gikan sa gihimong oplan bakal.

Samtang mokabat sa 64 ka mga armas ang boluntaryong gisurrender sa mga tag-iya human nga wala ma re-new ang ilang licensya sa arms for safe keeping.

Matud pa ni PD Abellar nga nasubo siya sa maong kalambuan gumikan kay ang gidaghanon sa mga armas nga nadakpan nagpasabot lamang kini nga daghan ang mihimo sa violation sa gipatumang COMELEC gun ban.

PNP operatives conducting random check point

(By Jong Cadion)

 

Nagpasalamat usab ang provincial director sa kapulisan ngadto sa mga nanag-iya sa armas sa gihimong boluntaryong pagsurrender sa ilang mga armas for safe keeping samtang wala pa kini maka pa-renew sa ilang mga licensya.

Kahinumduman nga kusganong giawhag ni PD Abellar ang cooperasyon sa mga katawhan kalambigitan sa gipatumang kamanduan aron mapahapsay ang ipahigyong umaabot nga election niining tuig 2013.