Romeo “Nonong” Jalosjos Andam na alang sa pagpukan sa mga Cerilles niining umaabot eleksyon sa Mayo

Ni JONG CADION

PAGADIAN CITY - Andam na ug pangunayan gayud mismo ni kanhi Cong. Romeo “Nonong” Jalosjos ang pagkampanya alang sa kadaugan sa coalition APP-NP ug Liberal Party niining election sa Mayo aron matuman ang gipangandoy sa mga katawhan nga kausaban, kabag-uhan ug kalamboan sa lalawigan sa Zamboanga del Sur.

Si Kanhi Cong. Romeo "Nonong Jalosjos (Kuha ni Jong Cadion)

“Kung mahitabo man nga si Gov. Anotonio “Tony” Cerilles walay kontra niining eleksiyona matingala na unya siya nga makaangkon na hinoon sa kapildihan bisag walay kontra,” Matud pa ni Romeo Nonong Jalosjos.

Iyang gipatin-aw ngadto sa katawhan ang hinungdan nga matud pa, iyahang himoon ang tanang niyang pamaagi nga matabangan ang mga katawhan sa Zamboanga del Sur nga mahatagan ug hustisya ug mabalik ngadto kanila ang bahandi nga gipangawkaw sa mga Cerilles sulod sa ilang pagdumala sa Lalawigan, Mao kini ang gisaad ni Nonong Jalosjos ngadto sa iyang paghinabi sa mga katawhan.

Kuha atol sa Birthday ni Marjorie "Catcat" Jalosjos,

Congresswoman candidate sa 2nd District, Zamboanga

Del Sur. (Hulagway kuha ni Jong Cadion)

Matud pa ni Nonong Jalosjos nga kay gihikawan man sa mga Cerilles ang mga katawhan sa kagawasan ug kaangayan alang sa kalamboan, iyang gamiton usab ang tanang niining mahimo nga mapukan gayud ang mga Cerilles niining umaabot nga election aron ang singgit nga Hustisya sa mga katawhan dinhi sa lalawigan sa Zamboanga del Sur ilahang maangkon.

Gumikan niini, dako ug pasalamat ang mga katawhan sa Zamboanga del Sur ug sa dakbayan sa Pagadian sa gihimong tubag ug pasalig ni Nonong Jalosjos sa ilang awhag atol sa pagsaulog sa adlawng natawhann ni Marjorie “Catcat” Jalosjos didto sa Brgy. Pinig-Libano sa Lungsod sa Dumalinao kaniadtong Beyernes.