Pagadian City Jail giplanong maila nga singing Inmates

Ang The Dream Choral sa Pagadian City Jail

(Video by JONG CADION)

Ni JONG CADION

City Jail Warden Atty. Senior

Inspector Mashur S. Sala

(Kuha ni JONG CADION)

PAGADIAN CITY – Pagadian City Jail maila sa ilang mga talento sa pagkanta ug magsilbing mahimong tourist destination sa Zamboanga Peninsula, kini ang gipasigarbo karon ni City Jail Warden Atty. Senior Inspector Mashur S. Sala.

Matud pa ni Jail Warden Sala nga kung ang Cebu City Jail nailhan sa tibook kalibutan nga adunay dancing inmates, ang Pagadian City Jail sa dili madugay maila usab kini nga Singing Inmate pinaagi sa gimugna nga "The Dream Choral".

Pinaagi ni Salud Bautista ang garbo sa dakbayan ug bantogan nga Musician ug Composer nga maoy mihimo karon sa pagbansay-bansay sa mga binilango alang sa natad sa pagkanta aron matuman ang maong plano.

Usa ka programa atol sa gihimong pagbukas sa e-dalaw ug pnginabuhian

 sa mga binilango. (Hulagway kuha ni JONG CADION)

Kagahapong adlawa atol sa apagbukas sa e-Dalaw ug livelihood project sa City Jail, gipabati ngadto sa mga bisita ang ilang maanindot nga pagkanta sa Pagadian City Theme Song nga Pagadian is the Beautiful City.

Mao kining ang plano sa tinguyanan sa BJMP dinhi sa Pagadian City Jail nga naila usab sa tibook kalibutan sa ilang mga talento pinaagi sa natad sa pagkanta.

Gumikan niini nagpasamalat usab si Jail Warder Sala ngadto sa lokal nga pangagamhanan sa Pagadian City pinaagi ni Mayor Samuel Co sa gihimong pagsuporta sa maong plano.

BJMP Regional Director Atty. J/Senior Superintendent Michael E. Vidano mihimo usab sa pagdayeg ug pagsuporta sa mga plano ug proyekto nga gihimo ni City Jail Warder Sala alang sa kaayuhan sa mga binilango sa Pagadian City Reformatory Center.

Mga Inmates sa Pagadian City Jail, mga bisita ug mga

sakop sa Media. (Hulagway kuha ni Jong Cadion)