HUSTISYA…! ANG SINGGIT SA MGA EMPLEYADO SA DAPITAN CITY HUMAN GIPALAGPUT SA ILANG KATUNGDANAN SA BAG-ONG NAMONOAN

By JONG CADION

DAPITAN CITY, ZANORTE - HUSTISYA… ! Mao kini ang singgit sa mokabat ngadto sa 63 ka mga permanent employees sa Kagamhanang Lokal sa Dapitan City human sila gipalagput sa ilang katungdanan sa bag-ong mihulip nga administrasyon.

Ang Bag-ong natukud nga Dapitan City Hall 

(Hulagway kuha ni JONG CADION)

Matud pa sa ilang pitisyon ngadto ni sa Pangulong P-Noy Aquino nga dili makataronganon ang maong lakang ni Mayor Cardino sa pagpalagput kanila nga mga Civil Service Illegible gumikan kay kini ang wala nakasubay sa tul-id nga dalan.

Kahinumduman nga sayo sa buntag kaniadtong February 11, 2013 human sa gipahigayong Flag Raising Ceremony, gibasa sa maong Mayor ang iyang gipakanaug nga Executive Order 4 nga nagtumbok sa pagpalagput sa tanang mga empleyado nga gitudlo ubos sa pagdumala sa kanhing Mayor Jun Jalosjos gikan kaniadtong Agusto 16, 2010 hangtud sa Abril 30, 2012.

Matud pa sa pitisyon sa mga empleyado nga sobrang personal ug pamulitika ang gihimo sa kasamtanang Mayor human nga iyang gipamahayag nga dili mausab ang iyang pagtang-tang sa maong mga emplyeado samtang walay dili mohimo sa pakigsabot kaniya sa pagsuporta sa iyang kandidatora pagka Mayor sa umabot nga election sa dakbayan sa Dapitan.  

Si Mayor Agapito J. Cardino ang mihulip ni Mayor Dominador Jalosjos, Jr. sa Dapitan City human nga gipaburan sa Korte Suprema kalambigitan sa kaso nga iyang gipasaka batok sa iyang gihulipan nga Mayor Jun Jalosjos.

Samtang gipaburan sa Sanguniang Panglalawigan ang pitisyon sa mga empleyado nga Illegal ang pagpapha kanila sa Mayor gumikan sa pagsupak niini sa Balaud sa Civil Service Commission (CSC) ug sa COMELEC Resolution No. 9385 sa Umibus Election Code sa pagdili sa pagtang-tang ug pagbalhin sa tanang mga empleyado ug ingon man pangempleyo gikan kaniaddtong Enero 13, 2013 hangtud sa Hunyo 12, 2013.

Gipatin-aw usab ni Atty. Mario Jose T. Cunting, CSC Regional Director nga basi balaud sa CSC nga walay gahum ang appointing officer sa pagrtang-tang sa nadawat na nga empleyado alang sa permanenting katungdanan gawas kung adudnay pagtugot sa Civil Service Commission.