MINDANAO PAGADIAN FRONTLINE: Pagadian City Airport Paralisado, Ekonomiya Apiktado

Monday, April 8, 2013

Pagadian City Airport Paralisado, Ekonomiya Apiktado

PLEASE CLICK TO LINK RELATED ARTICLE:
* http://pagadianfrontline.blogspot.com/2013/04/pagadian-city-airport-paralyzed.html

* http://pagadianfrontline.blogspot.com/2013/04/problema-sa-pagadian-city-airport.html
Ni JONG CADION

Unang adlaw sa Barikada sa runway

PAGADIAN CITY – Walo ka adlaw na karon sukad gihimo ang pagbarikada sa tunga-tungang bahin sa runway sa Pagadian City Airport nga gihimo sa mga kabanay ug kabilin sa tag-iya sa yuta nga si Datu Lucas Taug-Boto, wala pa gihapon mihimo ug mga lakang ang mga tinugyanan sa Department of Transportation and Communication (DOTC) alang sa kasulbran sa operasyon Pagadian City Airport.

Kaniadtong Webis April 4, sa mga alas 9:00 sa buntag gihimo sa mga pamilyang taug-Boto ang pagbabag sa runway human nga pakyas ang mga tinugyanan sa DOTC sa pagbayad sa ilang yuta nga mokabat ngadto sa 3 ka iktarya nga gigamit nga runway sa airport.

Matud pa ni Bai Sominal Taug ang anak sa tag-iya sa yuta nga maoy nangulo sa paghimo ug barikada nga mao lamang kini ang ilang bugtong pamaagi nga

Unang adlaw sa Barikada sa runway

mabayran ang ilang yutang gigamit nga runway sa DOTC.

Dugay nang panahon nga gigamit sa kagamhanang national ang ilang yuta hangtud nga midaug sila sa kaso sa dihang gisang-at kini sa korte gikan sa lower court hangtud sa korte suprema nga nag-awhag sa tinugyanan DOTC nga bayaran sila apan hangtud karon walay gihimo nga aksyon, asa naman ang hustisya niini? Dugang pamahqayag ni Bai Taug.

Ang maong pagkaparalisa sa operasyon sa Pagadian City Ariport nakahimo sa dako nga kadaot sa ekonomiya sa dakbayan gumikan sa pagkabalda ug pag-undang sa biyahe sa matag-adlaw sa Cebu Pacific Airbus flight matag buntag gikan sa Manila ug sa matag udto nga biyahe gikan sa Cebu sa duha ka kompaniya sa Cebu Pacific ug Air-phil.

Ang Pagadian City Airport nagserbisyo sa mga pasahero gikan sa 4 ka mga probinsya sa Zamboanga del Sur, Zamboanga Sibugay ug sa Lanao del Norte ug Lanao del Sur.