Baha nasinati sa 3 ka mga Barangay sa Kapatagan Lanao del Norte

Naka angkon sa kalit nga pagbaha ang 3 ka mga kabarangayan sa Kapatagan Lanao del Norte kagabii Agusto 14, 2012 sa mga alas 11:00 ang takna sa kagabhion.

Ang  3 ka mga Brgy. sa Margos, Lapinig ug Dunggo-an ang naapiktuhan sa kalit nga pagbaha hinungdan sa kusog nga pag-ulan nga miresulta sa pagdahili sa yuta kun Landslide.

Usa usab nga naapiktuhan mao ang nahimutangan sa 16^th Lanao Civilian Armed Auxiliary Patrol Base (CAA-PB) sa Charlie Company sa 5^th Infantry Battalion nga diin maayo usab ang pagkahugno sa perimeter fence kun koral nga nagpalibot niini.

Nanga anud usab ang mga kabtangan sa mga nasakop sa CAA-PB. Hinoon wala magdugay ang pag-taas sa tubig ug mikunhod ra kini ug wala ra kini naka apikto sa pag-agi sa mga sakyanan nianang pagkabuntag kagahapong adlawa.

Kagahapon adlawa usa ka pagpanghatag sa mga hinabang ang gipahigayon ngadto sa mga nabiktima gikan sa mga tinugyanan sa 5^th Infantry Battalion ug ingun man sa kagzmhanang lokal sa Kapatagan, Lanao del Norte.  (By Jong Cadion)

click here to link related news
Baha nasinati sa 3 ka mga Barangay sa Kapatagan Lanao del Norte