Bag-ong tuig 2013 Malinawon nga gisaulog sa Pagadian City ug Zamboanga del Sur

Ni JONG CADION 

OIC COP PSupt Julius Muñez

PAGADIAN CITY - Matud pa sa talaan sa Buhatan sa Kapulisan ingun man sa mga tambalanan, walay mga panghitabo nga nahitala niini nga makahatag ug pagbalda sa mga katawhan.

Unang higayon nga walay makita nga garapalan sa pag-display sa tanang matang sa paboto diha sa mga kadalanan sa Pagadian. Hinoon, adunay pipila ka mga negusyante nga sikretong mihimo sa pagpamaligya niini gumikan sa pinikitong gi-patuman nga kamaduan sa mga ginsakpan sa kapulisan.

33 ka dagkung cartoon nasakmit

(Photo by Jong Cadion)

Sa pagsugat sa bag-ong tuig 2013, nasuta nga minus ang mga nadungog nga mga paboto. Matud pa nga nagmaampingon na usab karon ang mga katawhan sa paggamit sa mga paboto hinungdan sa kusganong pagkampanya ug hilabina sa pag-awhag sa mga tinugyanan sa Department of Health nga ang mga matang sa paboto kini ang naghatag ug kadilikado sa maayong paglawas sa tawo hilabina ang mga aso nga mahanggab niini.  

Samtang gibutyag ni sa PSupt Julius Muñez, officer-in-charge sa Pagadian City Police Station nga mokabat ngadto sa 33 ka mga dagkung cartoon nga puno sa illegal nga mga klasi sa paboto ug ingon man Video Carera ang ilang nasakmit atol sa dispiras sa bag-ong tuig 2013.

Video Carera ang nasakmit sa mga police

atol sa dispiras sa bagong tuig 2013. (Photo by Jong Cadion)