Mga krimen sa Pagadian sa tuig 2012 mitaas kung itandi sa miaging tuig 2011

By JONG CADION

PNP Station (Photo by J. Cadion)

PAGADIAN CITY - Matud pa sa talaan sa buhatan sa kapulisan ning dakbayan sa Pagadian sa tuig 2012, mokabat ngadto sa 530 ka mga kaso ang nahitala kung itandi kini sa tuig 2011 nga adunay 509 ka mga krimen nga gilangkuban sa mga kasong Murder, Homicide, Physical Injuries, Rape, Robbery kun Tulis ug Theft kun Kawat. Samtang 93 niini ang napasakaan sa kaso ngadto sa hukmanan ug mokabat ngadto sa 437 ka mga kasos ang kasamtanang padayon pa nga gihimoan sa investigasyon.

Sa kasong Murder adunay 62 nahitala, alang sa tuig 2012 ug ubos lang ug usa sa tuig 2011 nga adunay 63 kas mga kaso, 13 niini ang napasakaan ug kaso ug 49 niini ang gi-inbistigahan pa.

Sa Homicide, mas taas kini alang sa tuig 2012 nga adunay 9 ka kaso itandi sa 5 ka kaso sa tuig 2011, 3 niini ang napasaka sa korte, 6 ang under investigation.

Pagadian City Police Sttion (Photo by JONG CADION)

Physical injuries, mikunhod kini sa 177 kung itandi sa tuig 2011 nga adunay 197 samtang 22 niini napasaka sa korte ug adunay 150 ka mga kaso  under investigation.

Sa Rape nga kaso alang sa tuig 2012 adunay 13 ang nahitala ug mitaas kini kung itandi sa tuig 2011 nga adunay 5 ka kaso samtang 12 niini ang napasaka sa korte ug 1 under investigation.

Ang kasong Tulis mitaas ngadto sa 169 sa tuig 2012 gikan sa tuig 2011 nga adunay 117 ug 18 ang napasaka sa korte, samtang151 ang giimbistigahan pa.

Sa Kawat miubos kini gikan sa 100 ka mga kaso sa tuig 2012 kung itandi sa 122 ka mga kaso sa tuig 2011 ug 20 niini ang nasang-at sa korte samtang adunay 80 ang anaa pa sa inbistigasyon.

Sa kasong Pagpusil, sa tuig 2011 mokabat kini ngadto sa 68 ka mga kaso diin mas mitaas kini sa 98 sa tuig 2012. Sa Robbery nga kaso nga mo suma total sa 186 alang sa tuig 2012 nga gilangkuban sa mga kasong Hold-up adunay 56, Ransack 86, ug 27 sa Snatching.

Alang sa mga accomplishment nga nahimo sa mga ginsakpan sa Pagadian City Police alang sa tuig 2012, sa mga kasong Illegal Drugs 16 ka tawo ang nadakpan, Mokabat usab sa 69 ka mga Wanted person ang nadakpan, 2 lmang ang nadakpan alang sa Illegal nga Sugal ug 25 ang nadakpan sa kasong Illegal position of fire-arms.

Please click below to link related article....  

Mga krimen sa Pagadian sa tuig 2012 mitaas kung itandi sa miaging tuig 2011Bag-ong tuig 2013 Malinawon nga gisaulog sa Pagadian City ug Zamboanga del S